சிறுகதை தொகுப்பு - கதை 01

சில ஓட்டு வீடுகளே எட்டிப்பார்த்திருந்த செல்லாச்சிபட்டி என்ற சிற்றூரில் தென்னம்பிள்ளை கவுண்டருக்கு பெரிய மச்சு வீடு இருந்தது. பெரும் செல்வந்தரான அவருக்கு 50 ஏக்கர் நஞ்சை புஞ்சையும் இருந்தது.  தென்னம்பிள்ளை கவுண்டரின் உண்மையான பெயர் தெரியாது அந்தப்பெயரை சொன்னால் தான் ஊரில் அனைவருக்கும் தெரியும். ஆனா பாருங்க செல்வத்தையும் நில புலன்களை கொடுத்த ஆண்டவன் அதை அனுபவிக்க பிள்ளைகளை கொடுக்கலை. கவுண்டரு சளைச்சுடுவாரா? பிள்ளை வரம் வேண்டி அவரும் அவர் மனைவி காத்தாயியும் கோவில் கோவிலா ஏறி வேண்டினாங்க. ஆண்டவன் உருவம் கல்லில் இருந்தாலும் உள்ளம் அப்படியில்லை. பெரியகாண்டி மற்றும் பழனியாண்டி அருளால நான்கு மணியான ஆண் பிள்ளைகளை பெற்றார்கள். பசங்களை நன்கு படிக்க வைத்து திருமணமும் செய்து வைத்தார்கள். திருமணம் முடிந்ததும்  நால்வரையும் தனி வீடு பார்த்து  தனிக்குடித்தனம்  வைத்துவிட்டார்கள்.  நால்வரும் பலவகை வியாபாரத்தில் ஈடுபட்டு பெரும் பணம் ஈட்டியதோடு அந்த வியாபாரங்களில் பெரும் செல்வாக்கு உடையவர்களாவும் மாறினார்கள்.  நால்வருக்கும் குழந்தை குட்டிகள்  பிறந்தது. நால்வரின் குழந்தைகளுக்கு திருமணமும் நல்லபடியா நடந்தது. அனைத்து பேரக்குழந்தைகளின் திருமணத்தை பார்த்த பின்பு ஒரு நாள் தீடீரென்று தென்னம்பிள்ளை கவுண்டர் கண்ணை மூடிட்டார். யாருக்கும் எத்தொந்தரவும் தரமால் சீப்பட்டு சின்னாபின்னபட்டு போகாமல் கண்ணை மூடியதால் கொடுத்து வைத்த மனுசன் என்று ஊரெல்லாம் பேச்சு.

அடுத்த 15 ஆண்டுகளுக்கு நல்ல உடல்நலத்தோட இருந்த காத்தாயியின் உடல் குன்றியது நாம நினைபது போல் மோசம் இல்லை, அவரால் அவரது எல்லா வேலைகளையும் செய்ய முடியும். வயதானதால் எதிர்ப்பு சக்தி, வலு, பார்வைதிறன் குறைந்து விட்டது   அவ்வளவு தான்.  இந்த சமயத்தில் கை  எழும்பு உடைந்து எந்த  வேலையும் செய்ய முடியாத நிலைக்கு ஆளானார்.  பெரிய  மருத்துவமனையில் சிகிச்சை   பெற்றார் பெரிய  மருத்துவமனை என்றால் எந்த மருத்துவமனை ஊரிலேயே அதிக பணம் வாங்குகிறதோ அது.  பசங்க பெரும் பணக்காரங்க என்பதால் பெரிய மருத்துவமனையில் மருத்துவம் பார்த்தா தான கௌரவம்.  கை உடைந்ததால் காத்தாயியால் எவ்வேலையும் செய்ய முடியாது. அதனால் பசங்க கூடி காத்தாயியை அவரவர்கள் வீட்டில் முறை வைத்து பார்ப்பது என்று முடிவெடுத்தார்கள். அதாவது ஒவ்வொரு திங்களும்  ஒருவர் வீடு என்று முடிவானது.

மச்சு வீட்டில் இருந்த காத்தாயியின்  துணிகள்  தட்டு வாளி என்று அவர் அன்றாடம் புழங்கும் பொருட்கள் பெரியவன் வீட்டுக்கு போனது. மருத்துவமனையில் இருந்து காத்தாயி பெரியவன் வீட்டுக்கு கொண்டு போகப்பட்டார். திங்கள் ஆனதும் முதல் தேதிக்கு ஆட்டோவை பிடித்து அதில் காத்தாயியையும் அவரது உடமைகள் அனைத்தையும் ஏற்றி அடுத்து எவன் முறையோ அவன் வீட்டுக்கு அனுப்பிட்டாங்க. பெரியவன் தான் இப்படி மற்ற மூவரும் இருக்க மாட்டார்கள் என்று நினைப்பது தவறு. மூவரும் அப்படித்தான். என்ன பண்றது வாங்கி வந்த விதி வேற எதை சொல்ல.  திங்கள் என்றால் சில மாதம் நாள்கள் குறைவா இருக்கும் என அவர்கள் மனைவிகள் கூறியதால்  30 நாள்களுக்கு ஒருவர் என்று முறை வைத்துவிட்டார்கள். 31வது நாள் பெட்டி படிக்கையோட காத்தாயி மூட்டை கட்டி அனுப்பப்படுவார். காத்தாயி மூட்டையோட போனா 30 நாள் முடிந்து விட்டது என்று நாம் கணக்கு போடலாம். கிழவியை தூக்கி மனையில் வை என்பது மாதிரி 30 நாள் ஆனதும் இவங்க கிழவிய தூக்கி ஆட்டோவில் வை என்று செயல்படுவார்கள்.

அவங்களை பற்றி நன்கு அறியாத ஊர்க்காரர்  ஒருவர்கிழவி படுத்த படுக்கையாவா இருக்கு, மாசா மாசம் கிழவிய அலக்களிப்பதற்கு  பதிலா பேசாம துணி துவைக்க ஒரு வேலையாள் வைத்தால் போதுமே நாலு பேரும் பங்கு போட்டுக்கிட்டா வேலையாள் சம்பளமும் குறைவா தான் இருக்கும் இதை அவங்களிடம்  சொல்ல வேண்டியது தான என அவர்களின் நெருங்கிய உறவுக்காரரிடம் கூறினார். இது அவனுங்களுக்கு தெரியாதுன்னு நினைக்கிறயா? இங்கயே இருந்துக்கிட்டு தன் வீட்டில் வைத்து பார்த்துக்காம மச்சு வீட்டுலயே வேலையாளை போட்டு கவனிக்கறாங்கன்னு  ஊர்காரங்க சொல்லிடுவாங்க அப்படினுட்டு இவனுங்க கௌரவத்துக்கு இழக்குன்னு கிழவிய 30 நாளைக்கு ஒரு முறை பந்தாடுறானுங்க என்றார். இங்கேயே இருந்தா கிழவி ராணி மாதிரி இருக்கும், பார்த்துக்கிறேன்னு இப்ப அவனுங்க அதை பாடாய் படுத்தறாங்க என்றார்.  கிழவியோட விதி என்ன பண்றது என்றார்!

பங்கு வணிகம் இனி இங்கு பகிரப்படாது

நான் ஏதோ  10 உலக்கை ஒழுங்கு தான் இருக்குமுன்னு நினைத்தேன். அது ஏகப்பட்டது இருக்கு. நான் பங்கு வணிகத்தில்  கத்துக்குட்டி. இன்னும் நிறைய படித்துவிட்டு இதுக்குன்னு தனியா வலைப்பதிவை ஆரம்பிக்கனும்.

அதனால இனி பங்குகளை பற்றிய எச்செய்தியும்  இவ்வலை தளத்தில் வராது.

பத்து ஒழுங்குகள் உள்ள படம் - முதலாவது

எழுதியுள்ள ஒழுங்குகளை ஐந்து காளை ஐந்து கரடி என்று பிரித்து பார்ப்போம். இதுவரை எழுதியுள்ள முப்பதுக்கு மேற்பட்ட ஒழுங்குகளில் எல்லாவற்றையும் விட விழுங்கியும் புள்ளதாச்சியுமே சக்தி வாய்ந்த ஒழுங்குகள்.
இதோ   முதல் படம்

காளை ஒழுங்குகள்
சுத்தியல்
தலைகீழ் சுத்தியல்
விழுங்கி
துளை
புள்ளத்தாட்சி

கரடி ஒழுங்குகள்
தொங்கும் மனிதன்
விழும் விண்மீன்
விழுங்கி
கார்முகில்
புள்ளத்தாட்சி

மூனு வடக்கத்தி விண்மீன் - கரடி Three Northern stars

மூனு தெக்கத்தி விண்மீன்கள் இருந்தா வடக்கத்தி விண்மீனும் இருக்கனுமில்ல. இங்கயும் தெக்கத்தி பக்கம் வருமானம்  வருவது அதை சுரண்டி தின்பது வடக்கத்தி. இது  மிக  அரிதாக  தோன்றும் ஒழுங்கு. இதை எப்படி அறிவது?

1. ஏறுமுகத்தில் தான் இது தோன்றும்
2. பெரிய வெள்ளை உடல் நீளமான மேல் குச்சியுடன் தோன்றும். கீழ் குச்சி இருக்காது, இருந்தாலும் பூதக்கண்ணாடியை வைத்து தேடும் அளவு தான் இருக்கும்.
3. அடுத்ததாக அதை விட சிறிய வெள்ளை உடல் தோன்றும். இதன் முடிவு முந்தைய வெள்ளை உடலை விட அதிகமாக இருக்கும். இந்த உலக்கையை முந்தைய நாள் உலக்கைக்குள் அடக்கி விடலாம்
4. அடுத்து முந்தைய நாளை விட சிறிய வெள்ளை உடல் தோன்றும், இதுக்கு மேல் கீழ் குச்சிகள் இருக்காது.

புள்ளத்தாச்சி டோஜி Harami CROSS candlestick pattern

புள்ளத்தாச்சி காளை, புள்ளத்தாச்சி கரடியை  பார்த்துள்ளோம். புள்ளத்தாச்சி டோஜி அதிலிருந்து சிறிது வேறுபட்டது. அது என்னன்னா அங்க புள்ளயோட நிறம்  தெரியும் இங்க சரியா தெரியாது.

1. இறங்கு முக போக்கோ ஏறுமுக போக்கோ இருக்கனும்.
2. அந்த போக்கின் தொடர்ச்சியா உடலுள்ள உலக்கை இருக்கனும். (ஏறுமுகம்னா வெள்ளை இறங்கு முகம்னா கருப்பு)
3. அந்த உலக்கைக்கு அடுத்து டோஜி தோன்றனும். முன்னாடி உள்ள உலக்கையின் உடலுக்குள்  இந்த டோஜி அடங்கனும்.
4. ஏறு முகத்தில் வெள்ளை நிற உடல் தோன்றிய பின் அடுத்த நாள் டோஜி என்றால் அது கரடி புள்ளத்தாச்சி டோஜி.
5. இறங்கு முகத்தில் கருப்பு நிற உடல் தோன்றிய பின் அடுத்த நாள் டோஜி என்றால் அது காளை புள்ளத்தாச்சி டோஜி.

இது  புள்ளத்தாச்சி  தான் என்றாலும் உண்மையான புள்ளத்தாச்சி  மாதிரி இதுல நம்பிக்கை வைப்பது தவறாக முடியும் ஏன்னா டோஜி நிறமற்றது.

காளை புள்ளத்தாச்சி என்றால் டோஜிக்கு (கிடை கோடு) மேல் விலை போனால் வாங்கலாம்.
கரடி புள்ளத்தாச்சி  என்றால் டோஜிக்கு (கிடை கோடு) கீழ் விலை போகும் எனலாம்.

நீள் குச்சிகள் Long and short Shadows

நீள கீழ்  குச்சி
உடலின் கீழ் நீளமான குச்சியும் மேலே சிறிய குச்சியும் இருந்தால் நாளின் முற்பகுதியில் கரடி\விற்பவர்கள் செல்வாக்கு அதிகரித்திருந்தது என்று  பொருள்.

இதை எப்படி அறிவது?
பார்த்தா தெரியும் என்கிறீர்களா? ;) சில விதிகள் இதற்கு உண்டு.

1. கீழ் குச்சியின்  நீளம் உலக்கையின் மொத்த நீளத்தில் மூன்றில் இரண்டு பங்கோ அதற்கு மேலோ இருக்கவேண்டும்.
2. இது கரடியாகவோ காளையாகவோ இருக்கலாம்.
3. கரடியாக இருந்தால் அன்றைய நாளின் முடிவுக்கும் குச்சியின் கீழ் விலைக்கும் பெரும் வேறுபாடு இருக்கும்.
4. காளையாக இருந்தால்  அன்றைய நாளின் தொடக்கத்துக்கும் குச்சியின் கீழ் விலைக்கும் பெரும் வேறுபாடு இருக்கும்.
5. காளையாக இருந்தால் காளை கொஞ்சம் வலிமை குன்றியதாக  இருக்கும்

ஆதரவு கோட்டில் அல்லது தடை கோட்டில் நீள் குச்சி தோன்றினால் இதன் சிறப்புத்துவம்   அதிகரிக்கும்.

நீள் மேல் குச்சி
உடலின் மேல் நீளமான குச்சியும் கீழ் சிறிய குச்சியும் இருந்தால் நாளின் முற்பகுதியில் காளை\வாங்குபவர்கள் செல்வாக்கு அதிகரித்திருந்தது என்று  பொருள்.

இதை எப்படி அறிவது?
பார்த்தா தெரியும் என்கிறீர்களா? ;) சில விதிகள் இதற்கு உண்டு.

1. மேல் குச்சியின்  நீளம் உலக்கையின் மொத்த நீளத்தில் மூன்றில் இரண்டு பங்கோ அதற்கு மேலோ இருக்கவேண்டும்.
2. இது கரடியாகவோ காளையாகவோ இருக்கலாம்.
3. கரடியாக இருந்தால் அன்றைய நாளின் தொடக்கத்துக்கும் குச்சியின் மேல் விலைக்கும் பெரும் வேறுபாடு இருக்கும்.
4. காளையாக இருந்தால்  அன்றைய நாளின் முடிவுக்கும் குச்சியின் மேல் விலைக்கும் பெரும் வேறுபாடு இருக்கும்.
5. கரடியாக இருந்தால் கரடி கொஞ்சம் வலிமை குன்றியதாக  இருக்கும்

ஆதரவு கோட்டில் அல்லது தடை கோட்டில் நீள் குச்சி தோன்றினால் இதன் சிறப்புத்துவம்   அதிகரிக்கும்.

உடல்களின் நாள் Long and Short day candlestick pattern

நீள உடல்
தனியாக வரும் நீள  உடலை வைத்து கணிப்பது தவறாகும் ஆனால் பல ஒழுங்குகளை கணிக்க நீள உடல் பயன்படுகிறது.

எது நீள  உடல்\நீளமான உடல் என்பதற்கு எந்த வரையறையும்  இல்லை. வரைபடத்தை பார்த்து நாமாகவே முடிவுக்கு வரவேண்டும். நீள உடல் காளையாகவும் இருக்கலாம் கரடியாகவும் இருக்கலாம்.

சிறிய உடல்
தனியாக வரும் சிறிய உடலை வைத்து கணிப்பது தவறாகும் ஆனால் பல ஒழுங்குகளை கணிக்க சிறிய உடல் பயன்படுகிறது.

எது சிறிய  உடல்\நீளமான உடல் என்பதற்கு எந்த வரையறையும்  இல்லை. வரைபடத்தில் உள்ள மற்ற உடல்களை பார்த்து நாமாகவே முடிவுக்கு வரவேண்டும். சிறிய உடல் காளையாகவும் இருக்கலாம் கரடியாகவும் இருக்கலாம்

வழுக்கைகள் SHAVED CANDLESTICK

மேல் வழுக்கை
ஓருலக்கை  ஒழுங்கான மேல் வழுக்கைக்கு மேல் குச்சி இருக்காது. பார்க்க சுத்தியல் மாதிரி தெரியும் ஆனால் இது  சுத்தியல் அல்ல. இதன் உடல் எந்த நிறத்திலும் இருக்கும். வரைபடத்தில் அடிக்கடி தென்படும். நம்பி செயலாற்றக்கூடிய ஒழுங்கு அல்ல. சுத்தியலுக்கான எல்லாம் இதற்கு பொருந்தும்.

இது சுத்தியல் அல்ல என்று எப்படி அறிவது? 

சுத்தியலுக்கு சிறிய உடலும் நீளமான கீழ் குச்சி இருக்கும். இதற்கு பெரிய உடல் இருக்கும். இந்த உடலை விட இரு மடங்கு நீளமுள்ள கீழ் குச்சி இருக்காது.

கீழ் வழுக்கை
ஓருலக்கை  ஒழுங்கான கீழ் வழுக்கைக்கு கீழ்குச்சி இருக்காது. பார்க்க தலைகீழ் சுத்தியல் மாதிரி தெரியும் ஆனால் இது  தலைகீழ் சுத்தியல் அல்ல. இதன் உடல் எந்த நிறத்திலும் இருக்கும். வரைபடத்தில் அடிக்கடி தென்படும். நம்பி செயலாற்றக்கூடிய ஒழுங்கு அல்ல. தலைகீழ் சுத்தியலுக்கான எல்லாம் இதற்கு பொருந்தும்.

இது தலைகீழ் சுத்தியல் அல்ல என்று எப்படி அறிவது? 

தலைகீழ் சுத்தியலுக்கு சிறிய உடலும் நீளமான மேல் குச்சியும் இருக்கும். இதற்கு பெரிய உடல் இருக்கும். இந்த உடலை விட இரு மடங்கு நீளமுள்ள மேல் குச்சி இருக்காது.

இழுத்துபிடிக்கும் பட்டை - Belt Hold

ஓருலக்கை ஒழுங்கான இது போக்கு மாற்றம் ஏற்படும் என்பதை உணர்த்தும்   ஒழுங்காகும். ஓருலக்கை ஒழுங்கு நம்பகமானது அல்ல, அதிலும் இது நம்பத்தகுந்தது அல்ல என்பது என் கருத்து.

இழுத்து பிடிக்கும்  பட்டை - காளை
இதை எப்படி அறிவது?

1. முதலில் இறங்கு முகம் தொடரனும்
2. பெரிய வெள்ளை உடல் தோன்றனும். இதன் தொடக்கம் முந்தைய உடலுக்கு கீழே இடைவெளியுடன் இருக்கனும். 
3. இந்த வெள்ளை உடலுக்கு கீழ் குச்சி இருக்கவே கூடாது.
4. இதற்கு  மேல் குச்சி இல்லாமலோ மிகச்சிறியதாகவோ இருக்கலாம். அதனால பார்க்க மருபோசு போல தோன்றும்.

அதிக கீழ் இடைவெளியுடன் நீளமான வெள்ளை உடல் தொடங்கினால் போக்கு மாற்றம் ஏற்பட அதிக வாய்ப்பு.

இழுத்து பிடிக்கும்  பட்டை - கரடி
இதை எப்படி அறிவது?

1. முதலில் ஏறு முகம் தொடரனும்
2. அடுத்து பெரிய கருப்பு உடல் தோன்றனும். இதன் தொடக்கம் முந்தைய உடலுக்கு மேல் இடைவெளியுடன் இருக்கனும். 
3. இந்த கருப்பு உடலுக்கு மேல் குச்சி இருக்கவே கூடாது.
4. இதற்கு  கீழ் குச்சி இல்லாமலோ மிகச்சிறியதாகவோ இருக்கலாம். அதனால பார்க்க மருபோசு போல தோன்றும்.

அதிக மேல் இடைவெளியுடன் நீளமான கருப்பு உடல் தொடங்கினால் போக்கு மாற்றம் ஏற்பட அதிக வாய்ப்பு அதிகம்.

உறுதியான பாய் Mat Hold

மூன்று வழிமுறை  ஒழுங்கு போல இந்த ஒழுங்கில் ஐந்து உலக்கைகள் பங்கு  பெறும். பார்க்க இரண்டும் ஒன்று போல தோன்றும் , இவ்விரண்டுக்கும் நுண்ணிய வேறுபாடு உண்டு.

உறுதியான பாய்  - காளை
இது அரிதாக தோன்றும் சிக்கலான ஆனால் நம்பிக்கையுள்ள  ஒழுங்கு. இதை எப்படி அறிவது?

1. முதலில் ஏறுமுக போக்கு இருக்க வேண்டும்.
2. அடுத்ததாக  நீளமான வெள்ளை நிறமுடைய உடல் தோன்றவேண்டும்
3. வெள்ளை உடலுக்கு மேல் இடைவெளி விட்டு சிறிய கருப்பு உடல் தோன்ற வேண்டும்
4. அக்கருப்பு உடலைத்தொடர்ந்து இரு கருப்பு உடல்கள்  தோன்றனும். கருப்பு உடலின் தொடக்கமும் முடிவும் அதற்கு முந்தைய கருப்பு உடலின்  தொடக்கம், முடிவுக்கு கீழ் இருக்க வேண்டும்.
5. மூன்று கருப்பு உடல்களுக்கு அடுத்து நீளமான வெள்ளை உடல்  தோன்ற   வேண்டும்.
6.  இந்த வெள்ளை உடலின் தொடக்கம் முதலில் தோன்றிய வெள்ளை உடலின் தொடக்கம் மற்றும் முடிவை விட அதிகமாக இருக்க வேண்டும். இது மூன்று கருப்பு உடல்களையும் விழுங்குவதாக இருக்க வேண்டும். (படம் பார்க்க)

ஏன் இந்த ஒழுங்கு காளை ஓட்டத்தை தொடரும் என்று நினைக்கறாங்க?

காளைகள் கட்டுப்பாட்டில் சந்தை இருப்பதை நீளமான வெள்ளை உடல் தெரிவிக்கிறது. அதற்கு அடுத்த நாள் காளை விலையை உயர்த்தி இடைவெளியுடன் தொடங்கும் ஆனால் காளையை கரடி அமுக்கிவிட்டு,   மெதுவாக மூன்று நாள்கள் தொடர்ச்சியாக கரடிகள் விலையை குறைக்கும். மூன்று நாள்கள் முயன்றும் வெள்ளை உடலின் தொடக்கத்தை எட்ட முடியாதது கரடியின் வலிமையின்மையை காட்டுகிறது.  பின்பு காளை  சீற்றம் கொண்டு மூன்று நாள்கள் உருவான கருப்பு உடல்களை விழுங்கும்  அளவுக்கு பெரிதாக எழும். இது கரடிகள் போக்கு மாற்றம் ஏற்பட செய்த முயற்சி தோல்வியடைந்ததை காட்டுகிறது.


உறுதியான பாய்  - கரடி
இது அரிதாக தோன்றும் சிக்கலான ஆனால் நம்பிக்கையுள்ள  ஒழுங்கு. இதை எப்படி அறிவது?

1. முதலில் இறங்கு முக போக்கு இருக்க வேண்டும்.
2. அடுத்ததாக  நீளமான கருப்பு நிறமுடைய உடல் தோன்றவேண்டும்.
3. கருப்பு உடலுக்கு இடைவெளி  விட்டு கீழே சிறிய வெள்ளை உடல் தொடங்க வேண்டும்.
4. மேலும் இரு சிறிய வெள்ளை உடல்கள் தோன்ற வேண்டும். இவற்றின் முடிவு முந்தைய நாள் உடலின் முடிவை விட அதிகமாக இருக்கவேண்டும். 
5. இந்த வெள்ளை உடல்களின் முடிவு முதல் நாள் கருப்பு உடலின் தொடக்கத்தை எட்டாமல்  இருக்க வேண்டும்.
6. வெள்ளை உடல்களுக்கு பின் தோன்றும் நீளமான கருப்பு உடல் முதலில் தோன்றிய கருப்பு உடலின் முடிவுக்கு கீழாக  முடியும். 

ஏன் இந்த ஒழுங்கு கரடி ஓட்டத்தை தொடரும் என்று நினைக்கறாங்க?

கரடிகள் கட்டுப்பாட்டில் சந்தை இருப்பதை நீளமான கருப்பு உடல் தெரிவிக்கிறது. அதற்கு அடுத்த நாள் கரடி விலையை மேலும் குறைத்து கீழ்  இடைவெளியுடன் தொடங்கும் ஆனால் கரடியை காளை அமுக்கிவிட்டு,  காளைகள் மெதுவாக மூன்று நாள்கள் தொடர்ச்சியாக  விலையை அதிகரிக்கும். மூன்று நாள்கள் முயன்றும் கருப்பு உடலின் தொடக்கத்தை எட்ட முடியாதது காளையின் வலிமையின்மையை காட்டுகிறது.  பின்பு கரடி  சீற்றம் கொண்டு  மூன்று நாள்கள் காளைகள் உருவாக்கிய விலை ஏற்றத்தை முறியடித்து இதற்கு முன் தோன்றிய கரடியின் முடிவை விட கீழாக  முடியும்.  இது காளைகள் போக்கு மாற்றம் ஏற்பட செய்த முயற்சி தோல்வியடைந்ததை காட்டுகிறது.

மூன்று இடைவெளி Three Gap Pattern

மூன்று இடைவெளி என்ற இது உருவாக நான்கு உலக்கைகள் தேவை. காளைன்னா  மேல மேல மேல  கரடின்னா கீழ கீழ கீழ .

மூன்று இடைவெளி - கரடி
இடைவெளியுள்ள படி மாதிரி இது இருக்கும்.  இதை எப்படி அறிவது?

1. முதலில் ஏறுமுக போக்கு இருக்கனும்
2. இரண்டாவதாக வெள்ளை உடல் தோன்றனும். 
3. மூன்றாவதாக முன்பு தோன்றிய வெள்ளை உடலுக்கு மேல் இடைவெளி விட்டு வெள்ளை உடல் தொடங்கனும்.
4. நான்காவதாக  மேல் உள்ளது போல் மேலும் இரு உலக்கைகளின் வெள்ளை நிற உடல்கள் அதற்கு முந்தைய உடலுக்கு மேல் இடைவெளி விட்டு தொடங்கனும். (படத்தை பாருங்க புரியும்)

சிலர் தொடர்ச்சியா  மூன்று இடைவெளி இருக்கனும் என்று அவசியமில்லை ஏறு முகத்தில் இருந்தால் போதும் என்கிறார்கள்.

இது புகழ்பெற்ற ஒழுங்கு அல்ல என்றாலும் இவ்வொழுங்கு ஏற்பட்டால் அதை  புறக்கணிக்கக்கூடாது.


இதை எப்படி வணிகர்கள் பார்க்கறாங்க?

ஏறுமுகம் காளையின் கட்டுப்பாட்டில் சந்தை உள்ளதை தெரிவிக்கிறது. உலக்கைகள் மூன்று நாள்கள் மேல் இடைவெளியில் செல்வது காளை தறி கெட்டு ஓடுவதை குறிக்கிறது. தறிகெட்டு ஓடியதால் காளை களைப்படைந்து வலிமை இழந்து  கரடி கட்டுப்பாட்டை எடுக்க வழிவிடுகிறது. இதனால் போக்கு மாற்றம் ஏற்படுகிறது.

மூன்று இடைவெளி - காளை

இடைவெளியுள்ள படி மாதிரி இது இருக்கும்.  இதை எப்படி அறிவது?

1. முதலில் இறங்குமுக போக்கு இருக்கனும்
2. இரண்டாவதாக கருப்பு உடல் தோன்றனும். முதல் இரு உடல்களுக்கு நிறம் எதுவாக வேண்டுமானாலும் இருக்கலாம் ஆனால் கருப்பா  இருந்தா சிறப்பு.
3. மூன்றாவதாக முன்பு தோன்றிய கருப்பு  உடலுக்கு கீழ் இடைவெளி விட்டு அடுத்த கருப்பு  உடல் தொடங்கனும்.
4. நான்காவதாக  மேல் உள்ளது போல் மேலும் இரு உலக்கைகளின் கருப்பு நிற உடல்கள் அதற்கு முந்தைய உடலுக்கு கீழ் இடைவெளி விட்டு தொடங்கனும். (படத்தை பாருங்க புரியும்)

சிலர் தொடர்ச்சியா  மூன்று இடைவெளி இருக்கனும் என்று அவசியமில்லை ஏறு முகத்தில் இருந்தால் போதும் என்கிறார்கள்.

இது புகழ்பெற்ற ஒழுங்கு அல்ல என்றாலும் இவ்வொழுங்கு ஏற்பட்டால் அதை  புறக்கணிக்கக்கூடாது.

மூன்றாவதா ஏற்பட்ட இடைவெளி நிரப்பப்பட்டால் போக்கு மாற்றம் நடைபெறுகிறது என கணிக்கலாம்.

இதை எப்படி வணிகர்கள் பார்க்கறாங்க?

இறங்கு முகம் கரடியின் கட்டுப்பாட்டில் சந்தை உள்ளதை தெரிவிக்கிறது. உலக்கைகள் மூன்று நாள்கள் கீழ் இடைவெளியில் இறங்குவது கரடி அதலபாதாளத்தை நோக்கி விரைவாக செல்வதை குறிக்கிறது. அவ்ளோ பெருத்த உடம்ப வச்சிக்கிட்டு விரைவா போனதால் கரடி களைப்படைந்து வலிமை இழந்து  காளை கட்டுப்பாட்டை எடுக்க வழிவிடுகிறது. இதனால் போக்கு மாற்றம் ஏற்படுகிறது.

மூவுலக்கை தாக்குதல் Three Line Strike

மூவுலக்கை   தாக்குதல் அப்படின்னு சொன்னாலும் நாலு  உலக்கைகளை இவ்வொழுங்கை அமைக்கின்றன. மூன்று உலக்கைகள் படி மாதிரி செல்லும். நான்காவது உலக்கை மூன்று  உலக்கைகளையும் விழுங்கி விடும். அந்த அளவு நீளத்தில் இருக்கும்.

மூவுலக்கை தாக்குதல்- காளை
இதை எப்படி அறிவது?

1. முதலில் ஏறுமுகம் இருக்கனும்
2. இரண்டாவது  வெள்ளை உடல் நிறம் தோன்றனும்
3. மூன்றாவதும் வெள்ளை உடல் நிறம் தோன்றனும். அதன் முடிவு இதற்கு முன் நாள் தோன்றிய வெள்ளை உடலை விட மேல இருக்கனும்.
4. நான்காவதாகவும் வெள்ளை உடல் நிறம் தோன்றனும்  ஆனா அதன் முடிவு இதற்கு முன் நாள் தோன்றிய வெள்ளை உடலை விட மேல இருக்கனும்.
5. ஐந்தாவதா பெரிய கருப்பு நிற உடல் மூன்று வெள்ளை உடல்களும் அடங்க அளவு நீளமா தோன்றனும் அதாவது மூன்றாவது வெள்ளை உடலின் முடிவுக்கு அதிகமாவும் முதல் வெள்ளை உடலின் தொடக்கத்துக்கு குறைவாகவும் இருக்கும் (உடலின் நீளம் விலை அல்ல)

ஏறுமுகத்தில் தோன்றும் மூன்று வெள்ளை உடல்களும் ஏறுமுகம் தொடர்வதை காட்டுகிறது. நீளமான கருப்பு உடல் மூன்று வெள்ளை உடல்களால் கிடைத்த லாபத்தை விழுங்கி விடும் ஆனால் ஒரே நாளில் மூன்று  நாள் ஏற்பட்ட முன்னேற்றத்தை தடுப்பதால் அது இறங்கு முகம் ஏற்படுவதை தடுத்து விடும் பின் மீண்டும் ஏறு முகம் தொடரும் என்று எண்ணுகிறார்கள்.  இது   நம்பத்தகுந்தது அல்ல.

மூவுலக்கை தாக்குதல் - கரடி
இதை எப்படி அறிவது?

1. முதலில் இறங்கு முக போக்கு இருக்கனும்
2. இரண்டாவது கருப்பு உடல்  தோன்றனும்
3. மூன்றாவதும்  கருப்பு உடல் தான். அதன் தொடக்கமும் முடிவும் இதற்கு முன் நாள் தோன்றிய கருப்பு உடலை விட கீழ  இருக்கனும்.
4. நான்காவதும் கருப்பு உடல் தான். அதன் தொடக்கமும் முடிவும் இதற்கு முன் நாள் தோன்றிய கருப்பு உடலை விட கீழ  இருக்கனும்.
5. ஐந்தாவததாக பெரிய வெள்ளை உடல் மூன்று கருப்பு உடல்களை தன்னுல் அடக்கும் அளவுக்கு தோன்றனும் அதாவது மூன்றாவது கருப்பு உடலின் தொடக்கத்துக்கு அதிகமாவும் முதல் கருப்பு உடலின் முடிவுக்கு குறைவாகவும் இருக்கும்

இறங்கு முகத்தில் தோன்றும் மூன்று வெள்ளை உடல்களும் இறங்கு முகம் தொடர்வதை காட்டுகிறது. நீளமான வெள்ளை உடல் மூன்று கருப்பு உடல்கள் விலையை கீழே கொண்டு போனதை  ஒரே நாளில் இல்லாமல் ஆக்கி மேலே விலையை கொண்டு வந்துவிடும் அது ஏறு முகம் ஏற்படுவதை தடுத்து விடும் பின் மீண்டும் இறங்கு முகம் தொடரும் என்று எண்ணுகிறார்கள்.  இது   நம்பத்தகுந்தது அல்ல.

மூன்று உள் உலக்கைகள் Three Inside Candlestick Pattern

வெளி உலக்கை விழுங்கி, உள் உலக்கை புள்ளத்தாச்சி  இது தான் வேறுபாடு.

மூன்று  உள் உலக்கை - காளை
இது காளை புள்ளத்தாச்சியை கொண்டள்ளதும்  அதை உறுதிபடுத்திய  உலக்கையையும் கொண்ட மூவுலக்கை ஒழுங்கு. கீழ்கண்டவாரு இருந்தால் இவ்வொழுங்கை அறியலாம்.

1. முதலில்   இறங்குமுக போக்கு இருக்கனும்
2. இரண்டாவதாக பெரிய கருப்பு உடல் தோன்றனும்
3. மூன்றாவதாக சிறிய வெள்ளை உடல் தோன்றனும். இது கருப்பு உடலுக்குள் அடங்குவதாக இருக்கனும். (புள்ளத்தாச்சி ஒழுங்கு)
4. நான்காவதா காளை புள்ளத்தாச்சி ஒழுங்கை உறுதிபடுத்தும் விதமாக அடுத்த நாள் வெள்ளை உடல் தோன்றனும்.

• சொல்லப்போனா இது காளை புள்ளத்தாச்சியை உறுதிப்படுத்தும் ஒழுங்கு. 
• புள்ளத்தாச்சி வெள்ளை உடலை விட கருப்பு உடல் மிக நீளமாக  இருந்தால் சிறப்பு.
• நெடிய இறங்கு முகம் இருந்து இந்த ஒழுங்கு தோன்றினால் போக்கு மாற்றம் ஏற்பட்டு  விட்டதாக அடித்துக்கூறலாம்.

மூன்று உள் உலக்கை - கரடி

காளை ஒழுங்கு மாதிரி தான் இதுவும். இது கரடி புள்ளத்தாச்சியை 

கொண்டள்ளதும்  அதை உறுதிபடுத்திய  உலக்கையையும் கொண்ட மூவுலக்கை ஒழுங்கு. கீழ்கண்டவாரு இருந்தால் இவ்வொழுங்கை அறியலாம்.

1. முதலில்  சந்தை ஏறுமுகமாக இருக்கவேண்டும்.
2. இரண்டாவதாக பெரிய வெள்ளை உடல் தோன்ற வேண்டும்
3. மூன்றாவதாக சின்ன கருப்பு உடல் தோன்றனும் வெள்ளை உடல் இதை  முழுவதுமாக விழுங்குமாறு இருக்க வேண்டும் (கரடி புள்ளத்தாச்சி)
4. நான்காவதாக அடுத்த நாள் கரடி புள்ளத்தாச்சியை உறுதிபடுத்தும் விதம் கருப்பு உடல் தோன்ற வேண்டும்.

• சொல்லப்போனா இது கரடி புள்ளத்தாச்சியை உறுதிப்படுத்தும் ஒழுங்கு. 
• புள்ளத்தாச்சி கருப்பு உடலை விட வெள்ளை உடல் மிக நீளமாக  இருந்தால் சிறப்பு.
• நெடிய ஏறு முகம் இருந்து இந்த ஒழுங்கு தோன்றினால் போக்கு மாற்றம் ஏற்பட்டு  விட்டதாக அடித்துக்கூறலாம்.

மூன்று வெளி உலக்கைகள் Three Outside candlestick pattern

மூன்று  வெளி உலக்கை - காளை
இது காளை விழுங்கியை கொண்டள்ளதும்  அதை உறுதிபடுத்திய  உலக்கையையும் கொண்ட மூவுலக்கை ஒழுங்கு. கீழ்கண்டவாரு இருந்தால் இவ்வொழுங்கை அறியலாம்.

1. முதலில் இறங்குமுகமாக சந்தை இருக்க வேண்டும்.
2. இரண்டாவதாக சின்ன கருப்பு உடல் தோன்ற வேண்டும்
3. மூன்றாவதாக பெரிய வெள்ளை உடல் தோன்றனும் கருப்பு உடலை இது முழுவதுமாக விழுங்குமாறு இருக்க வேண்டும் (காளை விழுங்கி)
4. நான்காவதாக அடுத்த நாள் காளை விழுங்கியை உறுதிபடுத்தும் விதம் வெள்ளை உடல் தோன்ற வேண்டும்.

• சொல்லப்போனா இது காளை விழுங்கியை உறுதிப்படுத்தும் ஒழுங்கு. 
• விழுங்கி கருப்பு உடலை விட வெள்ளை உடல் மிக நீளமாக  இருந்தால் சிறப்பு.
• நெடிய இறங்கு முகம் இருந்து இந்த ஒழுங்கு தோன்றினால் போக்கு மாற்றம் ஏற்பட்டு  விட்டதாக அடித்துக்கூறலாம்.

மூன்று  வெளி உலக்கை - கரடி

காளை ஒழுங்கு மாதிரி தான் இதுவும். இது கரடி விழுங்கியை கொண்டள்ளதும்  அதை உறுதிபடுத்திய  உலக்கையையும் கொண்ட மூவுலக்கை ஒழுங்கு. கீழ்கண்டவாரு இருந்தால் இவ்வொழுங்கை அறியலாம்.

1. முதலில்  சந்தை ஏறுமுகமாக இருக்கவேண்டும்.
2. இரண்டாவதாக சின்ன வெள்ளை உடல் தோன்ற வேண்டும்
3. மூன்றாவதாக பெரிய கருப்பு உடல் தோன்றனும் வெள்ளை உடலை இது முழுவதுமாக விழுங்குமாறு இருக்க வேண்டும் (கரடி விழுங்கி)
4. நான்காவதாக அடுத்த நாள் கரடி விழுங்கியை உறுதிபடுத்தும் விதம் கருப்பு உடல் தோன்ற வேண்டும்.

• சொல்லப்போனா இது கரடி விழுங்கியை உறுதிப்படுத்தும் ஒழுங்கு. 
• விழுங்கி வெள்ளை உடலை விட கருப்பு உடல் மிக நீளமாக  இருந்தால் சிறப்பு.
• நெடிய ஏறு முகம் இருந்து இந்த ஒழுங்கு தோன்றினால் போக்கு மாற்றம் ஏற்பட்டு  விட்டதாக அடித்துக்கூறலாம்.

சந்திக்கும் கோடுகள் MEETING LINES

சந்திக்கும் கோடு - காளை
இதில் கருப்பு உடலின் முடிவும்
வெள்ளை உடலின் முடிவும் சந்திக்கும். இதுவும்   ஈருலக்கை ஒழுங்காக்கும். இரு உலக்கைகள் தான் ஆனா அரிதாகத்தான் இதை காண முடியும். கீழ்கண்ட முறைப்படி இருந்தால் இந்த ஒழுங்கை அறியலாம்

• முதலில் இறங்கு முக  போக்கு இருக்கனும்.
• இரண்டாவதாக பெரிய கருப்பு நிற உடல்  தோன்றனும்.
• மூன்றாவதாக வெள்ளை உடல் கருப்பு உடலுக்கு அடுத்து கீழாக தோன்றனும்.
• நான்காவதாக கருப்பு உடல் உலக்கையின் உடலின் முடிவை வெள்ளை உடலின் முடிவு தொடனும். 
• கருப்பு உடல் பெரியதாகவும் வெள்ளை
• வெள்ளை உடல் கருப்பு உடல் அளவு இருக்க வேண்டும்.

இதுக்கும் கழுத்தில் என்பதற்கும் என்ன வேறுபாடு???
கிட்டதட்ட இரண்டும் ஒன்று. கருப்பு உடலை விட வெள்ளை உடல் சிறியதாக இருக்கும். கருப்பு உடலின் முடிவுக்கு கொஞ்சூண்டு மேலயோ கீழயோ வெள்ளை உடலின் முடிவு இருக்கும்.

இதை ஏன் வணிகர்கள் ஏறுமுக தொடக்கமா கருதனும்?
வேடிக்கையை பாருங்க கழுத்தில் கரடியாம் இது காளையாம். முதல் நாள் உலக்கையின் நிறம் கருப்பு இது இறங்கு முக போக்கு தொடருவதை காட்டுது அடுத்த நாள் காளையின்  வெள்ளை உடலலின் முடிவு முதல் நாள்  கருப்பு உடல் நாளின் முடிவை எட்டுகிறது அதனால் இது இறங்கு முக போக்கு முடிவுக்கு வந்துவிட்டதை காட்டுகிறதாம்.

சந்திக்கும் கோடு - கரடி
இதில் வெள்ளை உடலின் முடிவும் கருப்பு உடலின் முடிவும் சந்திக்கும். இதுவும்   ஈருலக்கை ஒழுங்காக்கும். இரு உலக்கைகள் தான் ஆனா அரிதாகத்தான் இதை காண முடியும். கீழ்கண்ட முறைப்படி இருந்தால் இந்த ஒழுங்கை அறியலாம்..

• முதலில் ஏறு முக  போக்கு இருக்கனும்.
• இரண்டாவதாக பெரிய வெள்ளை நிற உடல்  தோன்றனும்.
• மூன்றாவதாக கருப்பு உடல் வெள்ளை உடலுக்கு அடுத்து மேலாக தோன்றனும்.
• நான்காவதாக வெள்ளை உடல் உலக்கையின் உடலின் முடிவை கருப்பு உடலின் முடிவு தொடனும். 
• கருப்பு , வெள்ளை உடல்கள் பெரியதாக இருக்கவேண்டும்.
• வெள்ளை உடலின் முடிவை கருப்பு உடல் முடிவு  தொடாமல் கொஞ்சம் முன்ன பின்ன இருக்கலாம்.

நெடிய ஏறுமுகத்திற்கு பின் இது சிறப்புத்துவம் பெறும்.

அடுத்த நாள் முடிவு கருப்பு  உடலின் முடிவை விட கீழாக இருக்க வேண்டும் அப்போது  இது சிறப்புத்துவம் பெறும்.

இதை ஏன் வணிகர்கள்இறங்க முக போக்கு ஆரம்பம் என  கருதனும்?
 முதல் நாள் உலக்கையின் நிறம் வெள்ளை இது ஏறு முக போக்கு தொடருவதை காட்டுது அடுத்த நாள்  உலக்கையின் உடலின்  தொடக்கம் இடைவெளியுடன் மேலே  ஆரம்பமாகிறது. இது காளையின் பாய்ச்சலை காட்டுகிறது ஆனால் கரடி செல்வாக்கு பெற்று முடிவு முதல் நாள்  வெள்ளை உடல் நாளின் முடிவை எட்டுகிறது அதனால் இது ஏறு முக போக்கு முடிவுக்கு வந்துவிட்டதை அறியலாம். இருந்தாலும்  பாதி நேரங்களில் ஏறு முகத்தை தொடர செய்கிறது.

இது நம்பகமான ஒழுங்கு அல்ல.

கழுத்தில், கழுத்தின் மேல் மற்றும் ஊடுறுவு On neck, In neck, Thrust pattern

கழுத்து மேல், கழுத்தில் மற்றும் ஊடுறுவு என்ற மூன்று ஒழுங்குகளும் கரடி ஒழுங்குகளே.  அவைகளுக்கிடையே சிறு வேறுபாடே உண்டு.

கழுத்து மேல்  என்பதில்  முன்னாடி உள்ள  உலக்கையின்   கீழ் குச்சியின்  (அன்று அது தான் குறை\கீழ் விலை) இறுதியிலேயே அடுத்த நாளின் முடிவு இருக்கும். முதல் நாளின் குறை விலையை இந்நாளின் அதிக விலை மீறாது.

கழுத்தில்  முதல் நாளின் குறை விலையை இந்நாளின் அதிக விலை மீறும்.

ஊடுறுவில்  உடலை அடுத்த நாள் உடல் தொடும் ஆனால் பாதியை தாண்டாது , தாண்டினால் அது துழை ஆகி விடும். 


கழுத்தின் மேல்
இது  ஈருலக்கை  ஒழுங்காகும். இதற்கு கருப்பு, வெள்ளை என்ற  இரு உடல்கள்  தோன்றும். எப்படி இருந்தா கழுத்து மேல் என்று கூறுவோம்?

• முதலில் இறங்கு முக  போக்கு இருக்கனும்.
• இரண்டாவதாக பெரிய கருப்பு நிற உடல்  தோன்றனும்.
• மூன்றாவதாக வெள்ளை உடல் கருப்பு உடலுக்கு அடுத்து தோன்றனும்.
• நான்காவதா கருப்பு உலக்கையின் குறை\கீழ் விலையை வெள்ளை உடலின் முடிவு தொடனும் ஆனா அதை விட அதிகமாக இருக்கக்கூடாது. வெள்ளை உடலுக்கு மேல் குச்சி இருக்கக்கூடாது.
• கருப்பு உடல் பெரியதாகவும் வெள்ளை உடல் அதை விட சிறியதாகவும் இருக்க வேண்டும்.

வெள்ளை உடலுக்கும் அடுத்த நாள் தோன்றும் உடலுக்கும் இடைவெளி இருந்தால் இறங்கு முக போக்கு தொடரும் என கணிக்கலாம்.

ஏன் இறங்கு முக போக்கு தொடரும் என்று  நினைக்கறாங்க?

முதல் நாள் உலக்கையின் நிறம் கருப்பு இது இறங்கு முக போக்கு தொடருவதை காட்டுது அடுத்த நாள் காளையின்  வெள்ளை உடல் தோன்றினாலும் அது கருப்பு உடல் நாளின் குறை\கீழ் விலையை மீறவில்லை. இது இறங்கு முக போக்கு தொடருவதை காட்டுகிறது.

கழுத்தில்
இது  ஈருலக்கை  ஒழுங்காகும். இதற்கு கருப்பு, வெள்ளை என்ற  இரு உடல்கள்  தோன்றும். எப்படி இருந்தா கழுத்தில் என்று கூறுவோம்?

• முதலில் இறங்கு முக  போக்கு இருக்கனும்.
• இரண்டாவதாக பெரிய கருப்பு நிற உடல்  தோன்றனும்.
• மூன்றாவதாக வெள்ளை உடல் கருப்பு உடலுக்கு அடுத்து கீழாக தோன்றனும்.
• நான்காவதாக கருப்பு உடல் உலக்கையின் உடலின் முடிவை வெள்ளை உடலின் முடிவு தொடனும், கொஞ்சூண்டு மேலயோ கீழயோ  இருக்கலாம்.  
• கருப்பு உடல் பெரியதாகவும் வெள்ளை உடல் கருப்பு உடலை விட சிறியதாகவும் இருக்க வேண்டும்.

வெள்ளை உடலுக்கும் அடுத்த நாள் தோன்றும் உடலுக்கும் இடைவெளி இருந்தால் இறங்கு முக போக்கு தொடரும் என கணிக்கலாம்.

ஏன் இறங்கு முக போக்கு தொடரும் என்று  நினைக்கறாங்க?

முதல் நாள் உலக்கையின் நிறம் கருப்பு இது இறங்கு முக போக்கு தொடருவதை காட்டுது அடுத்த நாள் காளையின்  வெள்ளை உடல் தோன்றினாலும் அது கருப்பு உடல் நாளின் முடிவை மீறவில்லை. இது இறங்கு முக போக்கு தொடருவதை காட்டுகிறது.

ஊடுறுவு
இது  ஈருலக்கை  ஒழுங்காகும். இதற்கு கருப்பு, வெள்ளை என்ற  இரு உடல்கள்  தோன்றும். எப்படி இருந்தா கழுத்து மேல் என்று கூறுவோம்?

• முதலில் இறங்கு முக  போக்கு இருக்கனும்.
• இரண்டாவதாக பெரிய கருப்பு நிற உடல்  தோன்றனும்.
• மூன்றாவதாக வெள்ளை உடல் கருப்பு உடலுக்கு அடுத்து கீழாக தொடங்கனும்.
• நான்காவதா கருப்பு உடல் உலக்கையின் முடிவுக்கு மேல் வெள்ளை உடலின் முடிவு இருக்கனும் ஆனா கருப்பு உடலின் பாதிக்கும் மேல் (50%)  போகக்கூடாது. அப்படி போனா அது துழை ஆகிவிடும்.

வெள்ளை உடலுக்கும் அடுத்த நாள் தோன்றும் உடலுக்கும் இடைவெளி இருந்தால் இறங்கு முக போக்கு தொடரும் என கணிக்கலாம்.

ஏன் இறங்கு முக போக்கு தொடரும் என்று  நினைக்கறாங்க?

முதல் நாள் உலக்கையின் நிறம் கருப்பு இது இறங்கு முக போக்கு தொடருவதை காட்டுது அடுத்த நாள் காளையின்  வெள்ளை உடல் தோன்றினாலும் அது கருப்பு உடல் நாளின் பாதியை தாண்ட முடியாததால் இறங்கு முக போக்கு தொடருவதை உணரலாம்.

டோஜிக்களின் வகைகள்

டோஜிக்களில் நாலு வகை உண்டு.  அவை

1. நீளக்கால் டோஜி
2. தட்டான் டோஜி
3. கல்லறை டோஜி
4. நால்விலை டோஜி

நீளக்கால் டோஜி
இது  சாதாரண டோஜி மாதிரி ஆனா அதை விட கீழ் மேல் குச்சிகளின் நீளம் அதிகமாக இருக்கும்.  சாதாரண டோஜியை விட இந்த வகை டோஜியில் முதலீட்டாளர்கள்  அதிக குழப்பத்தில் இருப்பர். ஏறுமுகத்திலோ இறங்குமுகத்திலோ போக்கு இருந்தால் இது  சிறப்புத்துவம் பெறும். விலை மேலும் கீழும் இறங்கி பின் ஓர் இடத்தில் வலுப்பெறுவதை இதைக்கொண்டு அறியலாம். வரைபடத்தின் பல கால அளவுகளில் இது தென்பட்டாலும்  நீண்ட கால அளவுகளில் தென்படுவது சிறப்பாகும் நீண்ட கால அளவில் தென்படுவதை வைத்து முடிவு எடுப்பது அதிகம் பயனளிக்கும். 52 வார அதிக விலையை பங்கு அடையும் போது நீளக்கால் டோஜி தோன்றினால் போக்கு மாற்றம் உறுதி. குழப்பம்  ஏற்படுத்தும் நீளக்கால் டோஜி ஏற்பட்ட பின் இரண்டு மூன்று நாட்களுக்கு சந்தை சோம்பலாக இருக்கும்.

தட்டான் டோஜி
தட்டான் டோஜியை தும்பி டோஜி என்றும் அழைப்பர். இதற்கு மேல்  குச்சி இருக்காது அல்லது மிகச்சிறியதாக இருக்கும் கீழ் குச்சி நீண்டதாக இருக்கும். பார்க்க T போல இருக்கும்.

இறங்கு முகத்தில் சுத்தியல் போன்றும் ஏறு  முகத்தில் தொங்கும் மனிதனை போலவும் இருக்கும்.  உடல் அவற்றுக்கு  பெரிது இதற்கு மிகச்சிறியது.  இதற்கு அடுத்த உலக்கையின் உடலின் நிறத்தை வைத்தே போக்கை கணிக்க முடியும். போக்கு மாற்றத்தை விட முதலீட்டாளர்களின் குழப்பமான மன நிலையையே இது காட்டுகிறது. இறங்கு முக இறுதி அதாவது ஆதரவு கோட்டில் இது தோன்றினால் போக்கு மாற்றம் நடைபெறும். இது தோன்றியும் இறங்கு முக போக்கு தொடர்ந்தால்  விரைவில் அப்போக்கு  முடிவுக்கு வரப்போகுதுன்னு பொருள்.

கல்லறை டோஜி

இதற்கு கீழ்  குச்சி இருக்காது அல்லது மிகச்சிறியதாக இருக்கும் மேல்  குச்சி நீண்டதாக இருக்கும். பார்க்க Tஐ திருப்பி போட்டது போல இருக்கும்.

இறங்கு முகத்தில் தலைகீழ் சுத்தியல் போன்றும் ஏறு  முகத்தில் விழும் விண்மீனைப் போலவும் இருக்கும்.  உடல் அவற்றுக்கு  பெரிது இதற்கு மிகச்சிறியது.  இதற்கு அடுத்த உலக்கையின் உடலின் நிறத்தை வைத்தே போக்கை கணிக்க முடியும். போக்கு மாற்றத்தை விட முதலீட்டாளர்களின் குழப்பமான மன நிலையையே இது காட்டுகிறது. ஏறு  முக இறுதி அதாவது தடை கோட்டில் இது தோன்றினால் போக்கு மாற்றம் நடைபெறும். இது தோன்றியும் ஏறு முக போக்கு தொடர்ந்தால்  விரைவில் அப்போக்கு  முடிவுக்கு வரப்போகுதுன்னு பொருள்.

நால்விலை டோஜி

டோஜி என்பதால் தொடக்க விலை முடிவு விலை ஒன்று என்பது  தெரிந்தது. இதற்கு மேல் குச்சியும் கீழ் குச்சியும் இருக்காது இருந்தாலும் அவை மிகச்சிறியதாக இருக்கும். என்னைப்பொருத்த வரை இதுவே முதலீட்டாளர்களின் உள்ளம் மிக அதிக  குழப்பநிலையில் உள்ளதை  காட்டுவது. வாங்கல் விற்றல் குறைவாக நடந்திருக்குன்னு தெரிந்து கொள்ளலாம்.

சந்தை நேரம் முடிந்த பின்பும் சந்தை தொடங்கும் முன்பும் இது அடிக்கடி தோன்றும். 1 நிமிட இடைவெளி வரைபடத்தில் இது அதிகமாக தென்படும். அடுத்த நாள் உடலின் நிறத்தை வைத்து போக்கு எப்படி போகும் என கணிக்கலாம்.

உச்சியில் டோஜி
டோஜி ஏறுமுகத்தின் உச்சியில் இருந்தால் போக்கு மாற்றம் ஏற்படப்போவதை அறிவிக்கும்  எச்சரிக்கை மணியாக விளங்கும். பொதுவாக ஏறுமுக போக்கில் நீளமான வெள்ளை  உடல் உலக்கைக்கு பின் டோஜி தோன்றினால் போக்கு மாற்றத்திற்கான வாய்ப்பு அதிகம். டோஜி முதலீட்டாளர்களின் குழப்பமான மனநிலையை காட்டுவதால் அது ஏறுமுக போக்கில் மாற்றத்தை உருவாக்கும் என நம்பப்படுகிறது.  காளைகளின்  மனக்குழப்பம் ஏறுமுக போக்கை கட்டுக்குள் வைத்திருக்க உதவாது,  திட நம்பிக்கை அதற்கு வேண்டும். ஏறுமுக போக்கு தொடர்ந்தாலோ அதிக வாங்கல் நிகழ்ந்தாலோ டோஜி காளைகள் பக்கம் சாய்ந்து விட்டதை அறியலாம்.

இதே போல் டோஜி இறங்கு முகத்திலும் போக்கு மாற்றத்தை ஏற்படுத்தும்  வலிமை  உடையது.  டோஜிக்களில் காளைகளுடைய வலுவும் கரடிகளின் வலுவும் சமநிலையில் இருக்கும் இதுவும் காரணமாக இருக்கலாம். ஆனால் உச்சியில் ஏற்படும் ஏறுமுக போக்கு மாற்றத்தை விட இறக்கு முக போக்கு மாற்றத்தை உறுதிபடுத்த அதிக சமிக்கைகள் வேண்டும். சமிக்கைகள் என்றால் பல காட்டிகள் என்று பொருள்

சுழலும் சக்கரம்    (Spinning top)
இது டோஜி அல்ல என்றாலும் பார்க்க நீளக்கால் டோஜி மாதிரி தான் இருக்கும். சிலருக்கு அதான் இதா இது தான் அதா என குழப்பம் வரும்.  இரண்டுக்கும் என்ன வேறுபாடுன்னா உடலின் நீளமே. நீளக்கால் டோஜியில்  உடல் இருக்காது அதாவது தொடக்கமும் முடிவும் ஒன்று. சுழலும் சக்கரத்தில் சிறிய உடல் இருக்கும்.  கரடிக்கும் காளைக்கும் நடக்கும் பெரும் சண்டையை இது எடுத்து காட்டும்.  அடுத்த நாள் ஏற்படும் உடலின்  நிறத்தை வைத்து தான் சண்டையில் காளை வென்றதா கரடி வென்றதா போக்கு எப்படி போகும் என அறியமுடியும். போக்கு நீட்சியின்  தொடர்ச்சியில் இது வந்தால் கவனிக்க தக்கதாக இருக்கும் ஏன்னா உந்தத்தின் வேகம் குறைந்து போக்கு மாற்றம் ஏற்படப்போவதை குறிப்பதாக இருக்கும்.

.

மூன்று விண்மீன் - கரடி Bearish Tri-Star Pattern

காளைன்னு ஒன்னு இருந்தா கரடின்னு ஒன்னு இருக்கனுமில்ல. அது தான நியாயம். மூன்று  விண்மீன் - கரடி  ஒழுங்கிலும் மூன்று டோஜிக்கள் தான் ஆனா இவை ஏறு முக போக்கில் தோன்றும்

 இந்த  கரடி ஒழுங்கு எப்படி இருக்கும் என்று பார்ப்போமா?

• முதலில் ஏறு முக போக்கு இருக்கனும்.
• அடுத்ததாக மூன்று நாள்களுக்கு டோஜி தோன்றனும
•  முதல் டோஜி உடலுக்கும் அடுத்த டோஜி உடலுக்கும் இடைவெளி இருக்கனும், அதே போல் கீழ் டோஜி உடலுக்கும் மேல் டோஜி உடலுக்கும்  இடையே இடைவெளி இருக்கனும். பார்க்க 3 டோஜிக்களும் Vஐ கவிழ்த்து போட்ட மாதிரி இருக்கும்,
•  மூன்று டோஜி உடல்களுக்கு இடையே தான்  இடைவெளி இருக்கனும் குச்சி உடலை தொட்டால் தவறில்லை.

சமிக்கையை அதிகரிக்கும் செயல்கள்

•  மூன்றாவது நாள் டோஜி உடல் கருப்பாக இருந்தால் போக்கு மாற்றம் நடைபெற அதிக வாய்ப்பு.

•  டோஜிக்கள் தோன்றிய நாளன்று நிறைய வாங்கல் விற்றல் நடந்திருந்தாலும் போக்கு மாற்றம் நடைபெற அதிக வாய்ப்பு. ஆனா குறைவா மட்டும் வாங்கல் விற்றல் நடந்திந்தால் போக்கு மாற்றம் நடைபெறுமா என்பது பெருந்த ஐயத்திற்குரியது.

மூன்று விண்மீன் - காளை Bullish Tri Star candlestick pattern

மூன்று தெக்கத்தி விண்மீனுக்கும்  மூன்று விண்மீன் காளைக்கும் உள்ள வேறுபாடு முன்னதில் கருப்பு உடல் பெரிதாக இருக்கும் விண்மீன் என ஒழுங்குக்கு பெயர் இருந்தாலும்  அது பார்க்க விண்மீன் மாதிரி இருக்காது. இதில் மூன்றும் டோஜியா இருக்கும் பார்க்க விண்மீன் மாதிரி இருக்கும். இரண்டுக்கும் ஒழுங்கு அமைப்பிலும் பெரும் வேறுபாடு இருக்கும்.

தெக்கத்தி காளை எப்படி இருக்கனும் என்று   பார்த்துள்ளோம்  எப்படி இந்த  காளை  ஒழுங்கு இருக்கும் என்று பார்ப்போமா?

* முதலில் இறங்கு முக போக்கு இருக்கனும்.
* அடுத்ததாக மூன்று நாள்களுக்கு டோஜி தோன்றனும்.
முதல் டோஜிக்கும் அடுத்த டோஜிக்கும் இடைவெளி இருக்கனும், அதே போல் கீழ் டோஜிக்கும் மேல் டோஜிக்கும் இடையே இடைவெளி இருக்கனும். பார்க்க 3 டோஜிக்களும் V வடிவில் இருக்கும்,
* மூன்று டோஜி உடல்களுக்கு இடையே தான்  இடைவெளி இருக்கனும் குச்சி உடலை தொட்டால் தவறில்லை

மூன்று தெக்கத்தி விண்மீன்கள் - காளை Three stars in the South Candlestick pattern

மூவுலக்கை ஒழுங்கான இது அரிதாக தான் தென்படும். இது எப்படி இருக்கும் என்பதை  சில விதிகள் மூலம் அறிந்துகொள்ளலாம்.

1.  முதலாவதாக இறங்குமுக போக்கு தொடரும்.
2.  இரண்டாவதாக பெரிய கருப்பு நிற உடல் நீளமான கீழ் குச்சியுடன் தோன்றும். இந்த உடலுக்கு மேல் குச்சி  இருக்காது.
3.  மூன்றாவதாக (இரண்டாம் நாள்) நீளமான கருப்பு உடலுக்கு அடுத்து அதை விட சிறிய கருப்பு உடல் தோன்றும்.
4.  நான்காவதாக  மொருசுபு என்றழைக்கப்படும் மேல், கீழ் குச்சி இல்லாத கருப்பு உடல் தோன்றும். இதை இரண்டாம் நாளின் உடலுக்குள் அடக்கி விடலாம்.

கரடியான  மூன்று காகங்களையும் இதையும் ஒப்பிட்டு பாருங்கள்.

• மூன்றாவது நாளின் உடலுக்கு நடு பகுதிக்கு மேல் நான்காவது   நாள் விலை ஏறினால் பங்கை காளைகள் கைப்பற்றி ஏறுமுகம் தொடங்கி விட்டது எனலாம்.

கரடி உதை Bearish KICKER candlestick pattern

 ஈருலக்கை கரடி ஒழுங்கான இது வெள்ளை கருப்பு உடல்களை கொண்டு  அமைவது.

1.  ஏறு முகத்தில் இது தோன்ற வேண்டும்.
2.  வெள்ளை உடல் உலக்கைக்கு பின் கீழாக கருப்பு நிற உடல் தோன்ற வேண்டும்.
3.  வெள்ளை உடலை கருப்பு உடல் தொடக்கூடாது. இரண்டுக்கும் இடையே இடைவெளி இருக்க வேண்டும்.
4.  கருப்பு உடலுக்கு மேல் குச்சி இருக்கக்கூடாது மிக அரிதாக மிகச்சிறிய குச்சி ஏற்படும்.

•  வெள்ளை உடலுக்கும் கருப்பு உடலுக்கும் இடைவெளி அதிகமிருந்தால் போக்கு மாற்றம் ஏற்பட வாய்ப்பு அதிகம்.
•  உடல்களின் நீளம்  அதிகமிருந்தாலும் போக்கு மாற்றம் ஏற்பட வாய்ப்பு அதிகம்.
•  பொதுவாக ஏதாவது பாதிக்கும் செய்தி வந்தால் கருப்பு உடல் தோன்றும். ஆனால் இடைவெளியை கவனிக்க வேண்டும். முதலீட்டாளர்கள் மேல் அழுத்தம் அதிகரித்து விற்பவர்கள் அதிகமாவர்.
•  பொதுவாக உதை ஒழுங்குகளை (கரடி, காளை இரண்டையும்) புறக்கணிக்கூடாது, சிலர்  இதை சக்தி வாய்ந்ததாக பார்க்கின்றனர்.

காளை உதை Bullish KICKER candlestick pattern

ஈருலக்கை காளை ஒழுங்கான இது வெள்ளை கருப்பு உடல்களை கொண்டு  அமைவது.

1.  நல்ல இறங்கு முகத்தில் இது தோன்ற வேண்டும்.
2. கருப்பு உடல் உலக்கைக்கு பின் மேலாக  வெள்ளை  நிற உடல் தோன்ற வேண்டும்.
3.  கருப்பு உடலை வெள்ளை உடல் தொடக்கூடாது. இரண்டுக்கும் இடைவெளி   இருக்க வேண்டும்.
4.  வெள்ளை உடலுக்கு கீழ்  குச்சி இருக்கக்கூடாது மிக அரிதாக மிகச்சிறிய குச்சி ஏற்படும்.

•  வெள்ளை உடலுக்கும் கருப்பு உடலுக்கும் இடைவெளி அதிகமிருந்தால் போக்கு மாற்றம் ஏற்பட வாய்ப்பு அதிகம்.
• உடல்களின் நீளம்  அதிகமிருந்தாலும் போக்கு மாற்றம் ஏற்பட வாய்ப்பு அதிகம்.
• பொதுவாக ஏதாவது நல்ல செய்தி வந்தால் வெள்ளை உடல் தோன்றும். ஆனால் இடைவெளியை கவனிக்க வேண்டும். வாங்குபவர்கள் அதிகமாவர், காளை சில நாட்களுக்காவது ஓடும்.
• இந்த ஒழுங்கை புறந்தள்ள வேண்டாம், சக்தி வாய்ந்த ஒழுங்கு இது.
• இறங்கு  முகத்தில் தான் இது தோன்ற வேண்டும் என்றில்லை ஆனால் பெரும்பாலும் இறங்கு முகத்தில் தான்  தோன்றும்.

அடுத்தடுத்த இரு வெள்ளை பட்டைகள் - காளை BULLISH side by side White lines

ஏறு முகத்தில் தோன்றும் இவ்வொழுங்கு மூன்று உலக்கைகளால் ஆனது. வழக்கமா ஏறு முக போக்கில் கரடி ஒழுங்கு தான தோன்றும்? ஏன் இங்க காளை  என்று வருது? இந்த ஒழுங்கு தோன்றினால் மேலும் விலை ஏறும் என பொருள். இந்த ஒழுங்கு அரிதாக தான் தோன்றும்.

இந்த ஒழுங்கு ஏற்பட்டுள்ளதை எப்படி அறியலாம்?

* தெளிவான ஏறு முகம் வேண்டும்.
* இதில் சிறிய வெள்ளை உடல் தோன்ற வேண்டும். (இதை முதல் நாள் என்போம்)
* இரண்டாம் நாளில் முதல் நாளுக்கு மேலாக வெள்ளை உடல் தோன்ற வேண்டும். இது முதல் நாளை தொடக்கூடாது.
* மூன்றாம்  நாளும் வெள்ளை உடல் தோன்ற வேண்டும். இதன்  தொடக்கமும் முடிவும் இரண்டாம்  நாளை ஒத்ததாக இருக்கும். அதாவது  இரண்டாம் நாளும் மூன்றாம் நாளும்  ஒட்டிப்பிறந்த இரட்டை குழந்தைகள் மாதிதரி.

* வெள்ளை உடல்களின் நீளம் அதிகமாக இருந்தால் போக்கு தொடர அதிக வாய்ப்பு  உண்டு.
* இது  சிறந்த போக்கு அறியும் ஒழுங்கு அல்ல என்றாலும்  நான்காவது நாள் மேலாக நல்ல இடைவெளியுடன் வெள்ளை உடல் தோன்றினால் போக்கு தொடருது என நம்பலாம்.

அடுத்தடுத்த இரு வெள்ளை பட்டைகள்- கரடி BEARISH SIDE BY SIDE WHITE LINES

இறங்கு முகத்தில் தோன்றும் இவ்வொழுங்கு மூன்று உலக்கைகளால் ஆனது. வழக்கமா இறங்க முக போக்கில் காளை ஒழுங்கு தான தோன்றும்? ஏன் இங்க கரடி என்று வருது? இந்த ஒழுங்கு தோன்றினால் மேலும் விலை வீழும் என பொருள். இந்த ஒழுங்கு அரிதாக தான் தோன்றும்.

இந்த ஒழுங்கு ஏற்பட்டுள்ளதை எப்படி அறியலாம்?

* தெளிவான இறங்கு  முகம் வேண்டும்.
* இதில் சிறிய கருப்பு உடல் தோன்ற வேண்டும். (இதை முதல் நாள் என்போம்)
* இரண்டாம் நாளில் முதல் நாளுக்கு கீழாக வெள்ளை உடல் தோன்ற வேண்டும். இது முதல் நாளை தொடக்கூடாது.
* மூன்றாம்  நாளும் வெள்ளை உடல் தோன்ற வேண்டும். இதன்  தொடக்கமும் முடிவும் இரண்டாம்  நாளை ஒத்ததாக இருக்கும். அதாவது  இரண்டாம் நாளும் மூன்றாம் நாளும்  ஒட்டிப்பிறந்த இரட்டை குழந்தைகள் மாதிதரி.

* வெள்ளை உடல்களின் நீளம் அதிகமாக இருந்தால் போக்கு தொடர  அதிக வாய்ப்பு  உண்டு.
* இது  சிறந்த போக்கு அறியும் ஒழுங்கு அல்ல என்றாலும்  நான்காவது நாள் கீழாக நல்ல இடைவெளியுடன் கருப்பு உடல் தோன்றினால் போக்கு தொடருது என நம்பலாம்.

மேல் & கீழ் இழு The Tweezers Top and Tweezers Bottom

முதலில் கீழ் இழு ஒழுங்கைப்பற்றி பார்ப்போம். இது ஈருலக்கை கரடி  ஒழுங்காகும்.

* வெள்ளை உடலின் முடிவும் அடுத்த நாள் தோன்றும் கருப்பு உடலின் தொடக்கமும் சமம்
* வெள்ளை உடலின் தொடக்கத்தை விட அடுத்த நாள் தோன்றும் கருப்பு உடலின் முடிவு குறைவு அதாவது கீழாக இருக்கும்.
* ஏறு முகத்திலேயே தோன்ற வேண்டும்.
* நன்றாக கவனித்தால் இது காளை விழுங்கி என்பது புலப்படும்.


காளை ஒழுங்கான மேல் இழு ஒழுங்குக்கான விதி

*  கருப்பு உடலின் முடிவும் அடுத்த நாள் தோன்றும்  வெள்ளை உடலின்  தொடக்கமும் சமம்
* கருப்பு உடலின் தொடக்கத்தை விட அடுத்த நாள் தோன்றும் வெள்ளை உடலின் முடிவு அதிகம் அதாவது மேலாக இருக்கும்.
* இறங்கு முகத்திலேயே தோன்ற வேண்டும்.
* நன்றாக கவனித்தால் இது கரடி விழுங்கி என்பது புலப்படும்.

இரண்டையும் ஒப்பிட்டு பார்ப்போமா.

மேல் இழு வரைபடத்தில்

கீழிடைவெளி இரு முயல்கள் Downside gap two Rabbits

            இது மேலிடைவெளி இரு காகங்களுக்கு எதிரான மூவுலக்கை காளை ஒழுங்காகும். இது பார்ப்பதற்கு காலையில் விண்மீன் மற்றும் விழுங்கி போல்  தோன்றும் ஆனால் குறிப்பிடத்தக்க வேறுபாடு உண்டு. முதல் உலக்கை கருப்பு நிறத்தில் இருக்க வேண்டும். இரண்டாம் உலக்கை முதல் உலக்கையின் முடிவிலிருந்து இடைவெளி விட்டு கீழாக தொடங்க வேண்டும் இது வெள்ளை நிறத்தில் இருக்க வேண்டும் இதன் முடிவு முதல் நாள் உலக்கையின்  முடிவை விட  கீழாக இடைவெளியுடன் இருக்க வேண்டும். மூன்றாவது உலக்கையும் கருப்பு நிறத்தில் இரண்டாம் நாள் உலக்கையை விழுங்குவது போல் (2-ஆம் நாள் உலக்கையின் தொடக்கமும் முடிவும் 3-ஆம்நாள் உலக்கையின் தொடக்கம் & முடிவுக்குள்  இருக்க வேண்டும்.  ) இருக்க வேண்டும்.

* முதல் நாள் நீளமான கருப்பு உடல்   இருக்க வேண்டும்.
* இரண்டாம் நாள் முதல் நாளின் முடிவிலிருந்து இடைவெளி விட்டு கீழாக தொடங்க வேண்டும். இதன் முடிவும் முதல் நாளின் முடிவை விட கீழே இடைவெளியுடன் முதல் நாள் உடலை தொடாமல் இருக்க வேண்டும். இரண்டாம் நாளின் உடலின் நிறம் வெள்ளையாக இருக்க வேண்டும் (காலையில் விண்மீன் நினைவுக்கு வருதா?)
* மூன்றாவது நாளின் உடலின் நிறமும் வெள்ளையாக இருக்க வேண்டும்,  இது  இரண்டாம் நாள் உடலை விழுங்குவது போல் இருக்க வேண்டும். அதாவது 2-ஆம் நாள் உடலின் தொடக்கமும் முடிவும் 3-ஆம் நாள் உடலின் தொடக்கம் & முடிவுக்குள்  இருக்க வேண்டும்.

மேலிடைவெளி இரு காகங்கள் The Upside Gap Two Crows

            இது மூவுலக்கை கரடி ஒழுங்காகும். இது பார்ப்பதற்கு மாலையில் விண்மீன் மற்றும் விழுங்கி போல்  தோன்றும் ஆனால் குறிப்பிடத்தக்க வேறுபாடு உண்டு. முதல் உலக்கை வெள்ளை நிறத்தில் இருக்க வேண்டும். இரண்டாம் உலக்கை முதல் உலக்கையின் முடிவிலிருந்து இடைவெளி விட்டு மேலாக தொடங்க வேண்டும் இது கருப்பு நிறத்தில் இருக்க வேண்டும் இதன் முடிவும் முதல் நாள் உலக்கையின் முடிவை விட  மேலாக இடைவெளியுடன் இருக்க வேண்டும். மூன்றாவது உலக்கையும் கருப்பு நிறத்தில் இரண்டாம் நாள் உலக்கையை விழுங்குவது போல் (2-ஆம் நாள் உலக்கையின் தொடக்கமும் முடிவும் 3-ஆம்நாள் உலக்கையின் தொடக்கம் & முடிவுக்குள்  இருக்க வேண்டும்.  ) இருக்க வேண்டும்.

* முதல் நாள் நீளமான வெள்ளை உடல்
* இரண்டாம் நாள் முதல் நாளின் முடிவிலிருந்து இடைவெளி விட்டு மேலாக தொடங்க வேண்டும். இதன் முடிவும் முதல் நாளின் முடிவை விட இடைவெளியுடன் முதல் நாள் உடலை தொடாமல் இருக்க வேண்டும். இரண்டாம் நாளின் உடலின் நிறம் கருப்பாக இருக்க வேண்டும் (மாலையில் விண்மீன் நினைவுக்கு வருதா?)
* மூன்றாவது நாளின் உடலின் நிறமும் கருப்பாக இருக்க வேண்டும்,  இது  இரண்டாம் நாள் உடலை விழுங்குவது போல் இருக்க வேண்டும். அதாவது 2-ஆம் நாள் உடலின் தொடக்கமும் முடிவும் 3-ஆம் நாள் உடலின் தொடக்கம் & முடிவுக்குள்  இருக்க வேண்டும்.

விழும் மூவுலக்கை வழிமுறை The Falling Three Methods

              மேலெழும் மூவுலக்கை வழிமுறைக்கு எதிரான கரடி ஒழுங்கு இது. இதன் முதல் உலக்கையின் உடல் நீளமான கருப்பு நிறமுடையது. அதற்கு அடுத்து வரும் மூன்று அல்லது அதிகமான உலக்கைகளின் நிறம் வெள்ளை  நிறமுடையது (பொதுவாக மூன்று உலக்கைகள் தான் இருக்கும்) இந்த வெள்ளை நிற  உலக்கைகள் முதலில் தோன்றிய நீளமான  கருப்பு  உலக்கையின்  முடிவை தொடாது. அதாவது   அவை முதல் உலக்கையின் உடலின் தோற்றம் முடிவுக்குள் தான் அடங்கி இருக்கும். இந்த வெள்ளை நிற உடல்களுக்கு அடுத்து கருப்பு உடல் தோன்ற வேண்டும். இந்த கருப்பு உடல் நீளமாகவும் இதன் முடிவு முதல் கருப்பு உடலின் முடிவை விட  குறைவாக இருக்க வேண்டும்.

முதல் உலக்கையின் உடலின் நிறம் கருப்பு இது நீளமானது.
இரண்டாம் மூன்றாம் நான்காம் உலக்கைகளின் உடலின் நிறம் வெள்ளை இவை சிறிய நீளமுடையவை.
ஐந்தாம் உலக்கையின் உடலின் நிறம் கருப்பு  இதுவும் நீளமானது.

சமிக்கையை அதிகபடுத்தும் செயல்கள்

* இந்த ஒழுங்கு இறங்கு முகத்தில் தோன்ற வேண்டும்.
* முதல்  உலக்கையின் கருப்பு நிற உடலுக்கு சிறிய குச்சிகள் இருக்க வேண்டும்.

ஏன் இந்த ஒழுங்கு வேலை செய்யுமுன்னு நினைக்கறாங்க?

காளைகளை அமுக்கி விட்டு கரடிகள் செல்வாக்கடைவதை நீண்ட கருப்பு நிற உடல் தெரிவிக்கிறது. விட்டேனா பார் என்று காளைகள்  மெதுவாக மூன்று   நாள்கள் எழும் நான்காவது நாள் காளையின் தலையில் நங்கென்று குத்தி கரடி பெரிதாக மேலெழும். இது காளைகளை அமுக்கி மேலும் வாலாட்ட முடியாதவாறு செய்துவிடும்.

மேலெழும் மூவுலக்கை வழிமுறை The Rising Three Methods

இதொரு காளை ஒழுங்காகும். இது ஐந்து உலக்கைகளை கொண்டு தீர்மானிக்கப்படுகிறது. இதன் முதல் உலக்கையின் உடல் நீளமான வெள்ளை நிறமுடையது. அதற்கு அடுத்து வரும் மூன்று அல்லது அதிகமான உலக்கைகளின் நிறம் கருப்பு நிறமுடையது (பொதுவாக மூன்று உலக்கைகள் தான் இருக்கும்) இந்த கருப்பு நிற  உலக்கைகள் முதலில் தோன்றிய நீளமான  வெள்ளை உலக்கையின்  முடிவை தொடாதுஅமாவது   அவை முதல் உலக்கையின் உடலின் தோற்றம் முடிவுக்குள் தான் இருக்கும். இந்த கருப்பு நிற உடல்களுக்கு அடுத்து வெள்ளை உடல் தோன்ற வேண்டும். இந்த வெள்ளை உடல் நீளமாகவும் இதன் முடிவு முதல் வெள்ளை உடலின் முடிவை விட  அதிகமாகவும் இருக்க வேண்டும்.

• முதல் உலக்கையின் உடலின் நிறம் வெள்ளை இது நீளமானது.
• இரண்டாம் மூன்றாம் நான்காம் உலக்கைகளின் உடலின் நிறம் கருப்பு இவை சிறிய நீளமுடையவை.
• ஐந்தாம் உலக்கையின் உடலின் நிறம் வெள்ளை இதுவும் நீளமானது.

சமிக்கையை அதிகபடுத்தும் செயல்கள்

* இந்த ஒழுங்கு ஏறு முகத்தில் தோன்ற வேண்டும்.
* முதல்  உலக்கையின் வெள்ளை நிற உடலுக்கு சிறிய குச்சிகள் இருக்க வேண்டும்.

ஏன் இந்த ஒழுங்கு வேலை செய்யுமுன்னு நினைக்கறாங்க?

கரடிகளை அமுக்கி விட்டு காளைகள் செல்வாக்கடைவதை நீண்ட வெள்ளை நிற உடல் தெரிவிக்கிறது. விட்டேனா பார் என்று கரடிகள்  மெதுவாக மூன்று   நாள்கள் எழும் நான்காவது நாள் கரடியின் தலையில் நங்கென்று குத்தி காளை பெரிதாக மேலெழும். இது கரடிகளை அமுக்கி மேலும் வாலாட்ட முடியாதவாறு செய்துவிடும்.

மூன்று காகங்கள் (Three black crows)

காளையான மூன்று வெள்ளை படை வீரர்களுக்கு எதிரான கரடி ஒழுங்கு இது.

1. வரிசையா மூன்று  நாள்கள் கருப்பு உடல் தோன்றும்.  ஏறு முக போக்கின்  கடைசி உலக்கையின் உடலின் நிறம் கருப்பாக இருக்கும் இதை முதல் உடல் என்போம்..
2. அடுத்த நாள் அதாவது இரண்டாம் நாள் உடலின் விலை தொடக்கமும்   முடிவும் முந்தைய நாள் உடலின் விலை தொடக்கம்  மற்றும்  முடிவை விடகுறைவாக இருக்க வேண்டும்.
3. அதேபோல் மூன்றாம் நாளின் உடலின் விலை தொடக்கமும்   முடிவும் முந்தைய நாள் உடலின் விலை தொடக்கம்  மற்றும்  முடிவை விடகுறைவாக இருக்க வேண்டும்.

சமிக்கையை அதிகப்படுத்தும் செயல்கள்

* முதல் நாள் உடலை விட பெரிதாக (நீளமாக) இரண்டாம் நாள் உடல் இருக்க வேண்டும்
* இரண்டாம் நாள் உடலும் மூன்றாம் நாள் உடலும் கிட்டத்தட்ட ஒரே நீளத்தில் இருக்க வேண்டும். அப்படி இருந்தால் கரடியின் செல்வாக்கு உள்ளதாக கருதலாம்.
* குச்சிகள் மிக சிறிதாகவோ இல்லாமலோ இருக்க வேண்டும்
* தெளிவான ஏறு முக போக்கில் இந்த ஒழுங்கு தோன்ற வேண்டும்.
* உடல்களின் நீளம் அதிகமாக இருப்பது இதன் வீரியத்தை காட்டும்   அறிகுறி.
* வாங்கல் விற்றல் அதிகமாக நடந்திருக்க  வேண்டும்.

ஒழுங்கைப்பற்றிய சில குறிப்புகள்

**  மூன்றாம் நாள் உடலின் நீளம் மற்ற இரு நாள்களை விட சிறிதாக இருந்தால் தவிர்ப்பது நலம்.

 **  நெடிய ஏறு முக போக்கின் பின் மூன்று காகங்கள் தோன்றுவது சில மாதங்கள் பங்கை வைத்திருந்து விற்பவர்களுக்கு ஏற்றது.

ஏன் இந்த ஒழுங்கு  வேலைசெய்யுமென்று   நினைக்கிறார்கள்?

நெடிய ஏறு முக போக்கின் போது காளைள்  சோர்வடைந்து கரடிகள் வீரியத்துடன் விலையை குறைக்கும். தொடர்ந்து மூன்று நாள்கள் விலை இறங்குவது சந்தையின் போக்கு மாற்றம் அடைகிறது  என்பதை உணர்த்தும் அறிகுறி.

மூன்று வெள்ளை படை வீரர்கள் ( three white soldiers )

இது மூவுலக்கை காளை ஒழுங்காகும். வரிசையா மூன்று  நாள்கள் வெள்ளை உடல் தோன்றும். எல்லா காளை ஒழுங்கைப்போலவே இது இறங்கு முக போக்கில் தோன்றும். இது அரிதாகவே தோன்றும் ஒழுங்கு. 

ஏன் வெள்ளை படை வீரன்  என்றால் விலை ஏற்றத்தை காட்டும் வெள்ளை நிறத்துக்காக வெள்ளைக்காரன உசத்தி பேசனும் என்பதற்காக அல்ல.

எப்படி இவ்வொழுங்கு அமையும்?

1. இறங்க முக போக்கு இருக்கனும் அதன்  கடைசி உலக்கையின் உடலின் நிறம் வெள்ளையாக இருக்கும் இதை முதல் உடல் என்போம்.. 
2. அடுத்த நாளின் உடலும் வெள்ளையாக இருக்க வேண்டும். இந்த உடலின் விலை தொடக்கமும்   முடிவும் முந்தைய நாள் உடலின் விலை தொடக்கம் & முடிவை விட அதிகமாக இருக்க வேண்டும். 
3. அதேபோல் மூன்றாம் நாளின் (மூன்றாவது வெள்ளை உடல்) உடலின் விலை தொடக்கமும்  முடிவும் முந்தைய நாள் உடலின் விலை தொடக்கம் & முடிவை விட அதிகமாக இருக்க வேண்டும். 
4. பொதுவாக  இரண்டாம் மூன்றாம் நாள்களின் உடல்கள் முந்தை உடலின் மையப்பகுதியில் இருந்து தொடங்கும்.

சமிக்கையை அதிகப்படுத்தும் செயல்கள்

•  முதல் நாள் உடலை விட பெரிதாக (நீளமாக) இரண்டாம் நாள் உடல் இருக்க வேண்டும்
• இரண்டாம் நாள் உடலும் மூன்றாம் நாள் உடலும் கிட்டத்தட்ட ஒரே நீளத்தில் இருக்க வேண்டும்.
• குச்சிகள் மிக சிறிதாகவோ இல்லாமலோ இருக்க வேண்டும்
• தெளிவான இறங்கு முக போக்கில் இந்த ஒழுங்கு தோன்ற வேண்டும்.
• உடல்களின் நீளம் அதிகமாக இருப்பது இதன் வீரியத்தை காட்டும்   அறிகுறி.
• வாங்கல் விற்றல் அதிகமாக நடந்திருக்க  வேண்டும்.

ஒழுங்கைப்பற்றிய சில குறிப்புகள்

**  மூன்றாம் நாள் உடலின் நீளம் மற்ற இரு நாள்களை விட சிறிதாக இருந்தால் தவிர்ப்பது நலம்.
** இறங்கு முகத்தில் வெள்ளை உடலுக்கு பதிலாக கருப்பு உடல் (மூன்று காகங்கள்) தோன்றினால் விலை மேலும் அதல பாதாளத்திற்கு போகும் என்பதற்கான அறிகுறியாகும்.
 **  நெடிய இறங்கு முக போக்கின் பின்  மூன்று  வெள்ளை படை வீரர்கள் தோன்றுவது சில மாதங்கள் பங்கை வைத்திருந்து விற்பவர்களுக்கு ஏற்றது.

ஏன் இந்த ஒழுங்கு  வேலைசெய்யுமென்று   நினைக்கிறார்கள்?

நெடிய இறங்கு முக போக்கின் போது கரடிகள் சோர்வடைந்து காளைகள் வீரியத்துடன் விலையை முன்னேற்றும். தொடர்ந்து மூன்று நாள்கள் விலை ஏறுவது சந்தையின் போக்கு மாற்றம் அடைகிறது  என்பதை உணர்த்தும் அறிகுறி. 

டோஜி

டோஜி
தொடக்க விலையும் முடிவு விலையும் ஒன்றாக இருந்தால் அது டோஜி எனப்படும். போக்கு மாற்றத்தை குறிக்கும் குறிப்பிடத்தக்க ஒழுங்காகும்.

தொடக்க விலையும் முடிவு விலையும் ஒன்றாக இல்லாமல் மிக நெருக்கமாக இருந்தாலும் அது டோஜி எனப்படும் அதை நெருங்கிய டோஜி என்பர். எது நெருங்கிய டோஜி என்பது அவரவர் பார்க்கும் பார்வையை பொருத்தது இதை வரையறுக்க கடுமையான விதிகள் இல்லை. ஆனால் சமீபத்திய சந்தையின் செயல்பாட்டை வைத்து இதை அறிய முற்படுவது ஒரு வழிமுறை. தொடர்ச்சியாக நிறைய சிறிய உடல்கள் இருந்தால் நெருங்கிய டோஜி குறிப்பிடத்தக்கதாக பார்க்கப் படாது. சந்தையானது முக்கியமான திருப்புமுனை புள்ளியில் இருந்தாலோ காளை அல்லது கரடியின் ஓட்டம் முற்றிய கட்டத்தில் இருந்தாலோ மற்ற நுட்ப காட்டிகள் எச்சரிக்கை சமிக்கை கொடுத்தாலோ நெருங்கிய டோஜியை டோஜி எனக்கொள்ளலாம்.
டோஜி போக்கு மாற்றம் நடைபெறப்போவதை குறிக்கும் சமிக்கையாகும். டோஜி குறிக்கும் போக்கு மாற்றம் நடைபெறாமல் போனாலும் தவறான சமிக்கை படி நடப்பது உண்மையான சமிக்கை படி நடக்காமல் இருப்பதை விட மேலானதாகும்.

போக்கு மாற்றம் நடைபெறுவதும் அதன் வலிமையும் அடுத்த நாள் உடலின் நிறத்தையும் நீளத்தையும் பொருத்தே உறுதிபடுத்தப்படும். சந்தையில் நிறைய டோஜிக்கள் உருவாகாவிட்டால் மட்டுமே புதிதாக உருவாகும் டோஜி சிறப்பானதாக கருதப்படும். ஒரு நாளின் 30 நிமிட வரைபடத்தை பார்த்தால் அதில் நிறைய டோஜிக்களும் நெருங்கிய டோஜிக்களும் தென்படும் அதனாலேயே மெழுகுவர்த்தி அலசல் ஒரு நாளின் 30 நிமிட வரைபடத்தை பார்த்து வர்த்தகம் புரிபவர்களுக்கு ஏற்றதல்ல.

*தெளிவான  இறங்கு முக போக்கிலோ ஏறு முக போக்கிலோ டோஜி  ஏற்பட்டால் போக்கு மாற்றம் நடைபெற வாய்ப்பு.
*டோஜிக்கு முன் நீளமான உடல் தோன்றினால் அந்த நிற உடல் முடிவுக்கு வருது என்று பொருள்.
*ஏறு முக போக்கில் டோஜிக்கு பின் நீளமான கருப்பு உடல் தோன்றினால் ஏறுமுக போக்கு முடிவுக்கு வந்ததை அறியலாம். இதே போல் இறங்கு முக போக்கில் டோஜிக்கு பின் நீளமான வெள்ளை உடல் தோன்றினால் இறங்கு முக போக்கு முடிவுக்கு வந்ததை அறியலாம்.

உச்சியில் டோஜி

டோஜி ஏறுமுகத்தின் உச்சியில் இருந்தால் போக்கு மாற்றம் ஏற்படப்போவதை அறிவிக்கும்  எச்சரிக்கை மணியாக விளங்கும். பொதுவாக ஏறுமுக போக்கில் நீளமான வெள்ளை  உடல் உலக்கைக்கு பின் டோஜி தோன்றினால் போக்கு மாற்றத்திற்கான வாய்ப்பு அதிகம். டோஜி முதலீட்டாளர்களின் குழப்பமான மனநிலையை காட்டுவதால் அது ஏறுமுக போக்கில் மாற்றத்தை உருவாக்கும் என நம்பப்படுகிறது.  காளைகளின்  மனக்குழப்பம் ஏறுமுக போக்கை கட்டுக்குள் வைத்திருக்க உதவாது,  திட நம்பிக்கை அதற்கு வேண்டும். ஏறுமுக போக்கு தொடர்ந்தாலோ அதிக வாங்கல் நிகழ்ந்தாலோ டோஜி காளைகள் பக்கம் சாய்ந்து விட்டத்தை அறியலாம்.

இதே போல் டோஜி இறங்கு முகத்திலும் போக்கு மாற்றத்தை ஏற்படுத்தும்  வலிமை  உடையது.  டோஜிக்களில் காளைகளுடைய வலுவும் கரடிகளின் வலுவும் சமநிலையில் இருக்கும் இதுவும் காரணமாக இருக்கலாம். ஆனால் உச்சியில் ஏற்படும் ஏறுமுக போக்கு மாற்றத்தை விட இறக்கு முக போக்கு மாற்றத்தை உறுதிபடுத்த அதிக சமிக்கைகள் வேண்டும். சமிக்கைகள் என்றால் பல காட்டிகள் என்று பொருள்.

புகழ்பெற்ற மெழுவர்த்தி ஒழுங்குகள்

இதுவரை எழுதிய மெழுவர்த்தி ஒழுங்குகளே புகழ்பெற்றவை. மேலும் சில மெழுவர்த்தி ஒழுங்குகள் இருக்கு அதை இனி எழுதுகிறேன்.

எழுத்தில் குறையிருந்தாலோ,  கலைச்சொல்லில் மாற்று கருத்து இருந்தாலோ  தெரிவிக்கவும்.  ஓர்மையாக, எங்கும் கலைச்சொல்லை ஒரே மாதிரி பயன்படுத்துவது சிறப்பு, மக்களிடம் பரவ எளிதாகும்.

காளை ஒழுங்குகள்
1. சுத்தியல் (Hammer) 
2. தலைகீழ் சுத்தியல் (inverted hammer)
3. காளை விழுங்கி (Bullish Engulfing)
4. காளை புள்ளத்தாச்சி(Bullish Harami)
5. துளை (Piercing)
6. காலையில் விண்மீன் (Morning star)

கரடி ஒழுங்குகள்
1. தொங்கும் மனிதன் (Hanging man)
2. விழும் விண்மீன் (Shooting star)
3. கரடி விழுங்கி (Bearish Engulfing)
4. கரடி புள்ளத்தாச்சி (Bearish Harami)
5. கார்முகில் (Black cloud)
6. மாலையில் விண்மீன் (evening star)

இது தவிர டோஜி என்று ஒன்று உள்ளது அடுத்து அதை எழுதுகிறேன்.  மெழுவர்த்தி ஒழுங்கு  என்றாலே சிலருக்கு டோஜி தான் நினைவுக்கு வரும்.

மாலையில் விண்மீன் (Evening star)

மாலையில் விண்மீன்

ஏறு முக போக்கிலேயே தோன்றும் மூன்று உலக்கை ஒழுங்கான இது இறங்கு முக போக்கின் தொடக்கம் ஆகும். கரடி ஒழுங்கான இது மூன்று உலக்கைகளை வைத்து கட்டமைக்கப்படும் ஒழுங்காகும்.

1. மாலையில்  விண்மீனில் முதல் உடல் நீண்ட வெள்ளையாகும். 
2. இரண்டாவது உடல் முதல் உடலிருந்து  நன்கு இடைவெளி விட்டு மேல் தோன்றும். இது சிறியதாகவும் முதல் நாள் உடலை தொடாமல் விண்மீன் போல் இருக்கும். இச்சிறிய உடல் முதலீட்டாளர்கள் வாங்குவதா விற்பதா என்ற குழப்பமான மனநிலையில் உள்ளதை உணர்த்துகிறது.
3.  மூன்றாவது நாள் உடல் கருப்பு நிறத்துடன் முதல் நாள் உடலின் பாதியை தொடும் அளவு இருந்தால் போக்கு மாற்றம் ஏற்படும் வாய்ப்பு மிக அதிகம், பாதிக்கும் மேல் எந்தளவு நீளமானதாக உள்ளதோ அது ஏற்படப்போகும் போக்கு மாற்றத்தின் வலிமையை குறிக்கும்.

முதல் நாள் உடலும் மூன்றாம் நாள் உடலும் நீளமானதாக இருந்தாலோ விண்மீனின் (இரண்டாம் நாள்) உடல் சிறிதாக குழப்பமான மனநிலையை எதிரொளித்தாலோ இரண்டாம் நாள் உடல் முதல் & மூன்றாம் நாளை தொடாமல் இடைவெளியுடன் இருந்தாலோ போக்கு மாற்றம் ஏற்படும் வாய்ப்பு மிக அதிகம்.

இரண்டாம் நாள் காணப்படும் சிறிய உடலுக்கு நிறம் பொருட்டில்லை என்றாலும்  அது கருப்பாக இருப்பது சிறப்பு.

சமிக்கையை அதிகப்படுத்தும் செயல்கள்

• தெளிவான ஏறுமுகம் இருக்கவேண்டும்.
• முதல் நாள் உடலுக்கும் இரண்டாம் நாள் உடலுக்கும் நன்கு இடைவெளி இருக்க வேண்டும். இரண்டாம் நாள் உடலுக்கும்  மூன்றாம் நாள் உடலுக்கும் இடைவெளி இருக்க வேண்டும். அது அதிகமாக இருந்தால் மிகவும் வரவேற்க தக்கது.
•  முதல் & மூன்றாம் நாள் உடல்களின் நீளம்  அதிகமாக இருப்பது சிறப்பு.
• மூன்றாம் நாள்  உடலின் நீளம் முதல் நாள் உடலின் உச்சிக்கு அருகில் இருப்பது சிறப்பு.

ஏன் இந்த ஒழுங்கு  வேலைசெய்யுமென்று   நினைக்கிறார்கள்?

ஏறுமுக போக்கு வலிமையாக இருப்பதால் வாங்குபவர்கள் அதிகம் மொய்ப்பார்கள். எனினும் விற்பவர்கள் விலை சரியாக உள்ளதென்று இச் சமயத்தில் பங்கை விற்று லாபம் பார்க்க ஆரம்பிப்பார்கள். இதனால் அடுத்த நாள் காளைக்கும் கரடிக்கும் போராட்டம் நடக்கும் வணிகத்தின் வீச்சும் குறைவாக இருக்கும். காளைகள் கவலை கொள்ளும் கரடிகளின் செல்வாக்கு மிகும்.மூன்றாம் நாள் அதிக விற்பனை நடக்கும். வாங்கல் விற்றலும் அதிகமாக இருக்கும். போக்கு மாறி விட்டதின் அறிகுறி என்று கொள்ளலாம்.

வணிக வீச்சு - trading range